KHUAI ZUK/SEH DAMDAWI ṬHA

Khuai zuk vanga thi hi an awm zeuh zeuh a. Chumi vang chuan khuai zûk chungchang leh a damdawi mi chi hrang hrang sawi ka rawn lawrkhawm a ni.

* RANNUNG TÜR NEI SEH:

Tît seh, Khuai zûk, Khawmualkaikuang seh ah Ṭawkte rah/par rawt sawm hnawih tur.

1. Khuai zûk (seh) ah hian Dawl hnai hnawih a ṭha khawp mai.. A zûk hlimah Dawl kung kha ulh bun hmawk a hnawih mai tur.

2. Khuaiin hmun khat lekah a zûk che chuan, petrol or spirit hnawih mawlh mawlh la, ana a chhâwk rang ber.

3. Hmun tam takah a zûk che chuan Nachhâwkna ei thuai la, (artui hîp hi Nachhâwk nan a ṭha hle tih hriat tur). Nachhâwkna in hna a thawh veleh Avil ei nghâl ang che, chu chuan khuai türin hna a thawk zel tur kha a vêng ani.

4. Khuaiin i mitah a zunkhum che chuan Burma Balm bur bial sen tereuhte hi tlem i mitah tât lût la, a dam nghal siai siai mai ang.

5. Khuai lâk dawnah bawkbawn chawhmeh atân hmang la, ei uar la, khuai zûk avânga i vûng lûk kha a vûng lo ang a, ana pawh a ziaawm ṭhin.

6. Khuai lâk dawnah Zu in suh, a zûk / seh a na duh bîk a, a tûr a chak duh. Chuan, a vûng nasa duh bawk.

7. Soda (thil bai nan chingal aia kan hman ṭhin) hi rul chuk damdawi atân a ṭha hle an ti a, khuai zûk ah pawh, tûr nei dang seh ah pawh a ṭha viau ngei ang lo chhin ve teh.

8. A tâwp bera ka sawi tur hi thih leh dam inkarah pawh hei baka ṭha leh rintlak sawi tur damdawi dang ka hriat loh chu ani.!!!

Khuaiin a zûk avânga damdawiinah dah ngai khawp a na leh thih hlauhawm khawp a mi a awm chuan, a rang thei ang berin Ar talh la, chansawmin chhûm la, a chhuanna tui chu intir thuai ang che. Glass no 3 aṭanga no 5 thleng pawhin intir mai tur ani.

9. Damlo chu arsa chhumna tui tulh leh intir theih tawh loh khawpa naa a lo awm hman tawh a, a awmah a hnawh a, thâwk a harsat tawh a, a aw pawh a chhuah theih tawh loh chuan, a taksa pumin arsa tui chuan zut mawlh mawlh la, alo harh deuh hunah a kaah khak luhtir zel la, a in theih hunah tulh tawh mai tur ani e. Artui leh arsa ah hian Zo-ar chu a thlanawm zawk a, a awmloh chuan i hmuh awlsam apiang hmang mai ang che. 

Hriatzauna mawlte hmang hian mi tana malsawna leh nun chhanhimtu anih thei.

Source: #Jimmy Lalnunmawia.