NAUTE CHHUL CHHUNG AH A INSIAM DAN

Chhûl chhûng a Naute in siamdan leh a awm hun chhûng...

1. THLAKHATNA:

Mipa chi leh hmeichhe chi a intawng tawh kha chhûl chunglamah a rawn bet a. A damdawi lam ṭawngin, (Implantation) a awm a, chhûlah rawn invuah lo a, chi kawng ah a awm chuan chi kawng a naupai a thlen thei. Naute taksa ruangam a insiam ṭan a, mit, hmai vel, khabe kual leh hrawk tur a insiam ṭan. A lung pawh te tak te in a insiam tan a, minute khatah vawi 65 lai a phu ve det det. Naute hi inchi 1, hmunli a then a, hmunkhat (1/4) inchi a lian a nia, buh fang khat ang tiat vel ani ang. Naute hi helai hunah hian, a damdawi lam tawng chuan “Embryo” kan ti ṭhin.

2. THLAHNIHNA:

Kut leh ke leh ke ṭang leh kut ṭang chenin a insiam ṭan. Hriatna tha zam ( Neural tube) chaw kawng leh ruh a insiam ṭan. Naute taksa hi a lu ai in a lian fe rih bawk. Thla1 leh a chanve ah hian naute lungphu chu ultrasound hmang in a hriattheih tawh. A serh vel tur pawh a insiam tan mek. Naute chu inchi 1 a lian leh, 1/30 ounce a rit a ni ve ta. A damdawi tawng pawn “Embryo” ti tawh lo in “Fetus” ti a sawi a ni ta.

3. THLATHUMNA:

Kut leh ke pawh a insiam kim ta. Naute in a kut a hum thiam tawh a, a ka pawh a ang thiam tawh. kut leh ke tin(nail) pawh a insiam ṭan. An serh vel a la insiam mek a, mipa nge an nih hmeichhia hriat hran an la har. Inchi 4 a sei leh ounce 1 a rit an ni ta. Thla 3 a zawh meuh pawn naute pawh a hràm tan a, nauchhiat palh theihna pawh a zia hret hret.

4. THLA LI NA:

Naute che pawh a hriat theih ṭan. An kut zungṭang an fâwp thiam ṭan. An ham(yawn), zi mar leh an hmêl te pawh an ti ner kual vel thei ta. An hâ tur a insiam ṭan a, tin, a rilah pawh êk a awm ṭan ta. Mipa nge an nih hmeichhia a hriat theih tawh. 6 inchi a sei anni tawh a, 4 Ounces a rit an ni tawh bawk.

5. THLA NGA:

Lu ah sam a ṭo ṭan a. Taksa ah pawh hmulchhia kan tih mai (Lanugo hair) a rawn ṭo ṭan a, hei hi naute natna lak avengtu a ni. An taksa ah bawnghnu khar ang mai, cream var ang tak (vernix caseosa) in a tuam a, hei pawh hi naute vengtu tho a ni. Naute chu inchi 10 a sei, pound 1/2 (1 pound =0.45359237 kg) alo ni ve ta.

6. THLA RUKNA:

An vun hi a sen deuh a, an vein te pawh a lang ruak a. kut zia leh ke zia, a hriattheih tawh. Thawm ri leh kawih te an hre thei tawh. 12 inchi a lian leh 2 pound lai a rit an ni ta. Lo piang ta se damdawi nen uluk taka enkawl an nih chuan an dam chhuak thei.

7. THLA SARIHNA:

Thawm ri an hre thei a. An ṭap thei tawh. A tui bâwm a tui pawh a tlem ve telh² a. Inchi 14 a sei leh an rih zawng pawh pound 2 aṭang a pound 4 vel an ni tawh. Lo piang ta ni se, an damchhuak thei enkawlna ṭha tak nen.

8. THLARIATNA:

An taksa ah thau a insiam ve tan. An kal (Kidney) leh Thluak leh Chuap pawh a in siam zel. Thil an hmu thei a, an hre thei tawh bawk. Inchi 18 a sei leh pound 5 a rit an ni tawh.

9. THLA KUANA:

Naute chuap a insiam puitling tan ta. Reflex (a Mizo ṭawng a ziah dan ka hre lo a, ti hrâwl leh taksa hriatna vel rem tak a, an hna an thawh dan) te pawh a puitling ṭan ta. Inchi 18 a sei leh 5 pound a rit an ni ta. Naute chu khawvel ah rawn chhuah a inpeih fel ta.

PS: A KIM CHANG TAK A ZIAH THEIH A  HLE NA A, A THEN CHAUH KA RAWN TARLANG MAI, IN HRIATTHIAMNA KA DIL NGHAL E.

Ref:NUPA NUN