PURUNSEN LEH PURUNVAR

 PURUNSEN & PURUNVAR ṬHATNA

Purun Var hi kan taksa chhûngah leh pâwn lamah pawh damdawiah a ṭha ve ve a. Chungte chu ilo thlîr teh ang.👇🏻

Pumpui a tanpui dan :Kawpuar emaw pum puarah emaw Purun var hi a tha em em a. Mahse a hranpain heng damdawi atan hian ei lovin chaw ei apiangin emaw Purun var zung hnih/khat hi ei tel zawk tur a ni.

Tin, chaw ei tui nân pawh a ṭha a. Purun Var Syrup leh Sawhthing densawm tui thirfiante chanve ve ve chawhpawlh chaw ei kham veleh nitin vawi hnih ei hian chaw ei a titui duh.

Purun var Syrup hi Kawthalo leh Santen atan te a ṭha em em a.

A siam dan chu : Purun Var zung khat vel kheh la, Malt Vinegar 100ml pawlh dal lovah chhum so bawrh bawrh la. A tui chu thli chhuakin chumi zât chiah Khawizu telh leh tur a ni. Heti hian bur chhin neiah rei tak a dah ṭhat theih.

Awmnâ atan : Kan sawi tâk Purun Var Syrup hi Asthma thaw hah lutuk tihreh nân a ṭha a. Tlai leh zan mut dawna thirfiante thum in tur a ni.

Tin, naupang awmnâ atan chuan Purun Var kheh sa hi ṭhi-ah siam sak ila, awrh tîr tur a ni. A rim khân hnar zâ leh ping a ti ziaawm thei a ni.

Tin, Purun var hrîak (Garlic Oil) pawh an âwmah leh hrawkah chulh sak tur a ni bawk.

Sciatica & Ruhseh lam tan : Heng natna vei tan hian Purun Var hi a ṭha leh zual em em a ni. Purun Var zung li (4) khehsa kha Bawnghnute-ah chhuan so bawrh bawrh a, a Bawnghnute chu thlit chhuah a mut dawna Purun Var chu ei tur a ni.

Purun Var zung hi 10 a tlin hma chu nitin pakhat in tih pun zel tur a ni a. 10 a tlin hnuah pakhat zela tihtlema ei leh tur a ni. A tlem tial tiala pali (4) a lo nih leh hnuah belh leh tur a ni. Hetiang hian ni 40 chhung tih tur a ni.

A dangah : Mit fiahlo leh thluak lam dik lovah pawh hian Purun Var tui sawr hi an pe ṭhin a.

Tin, zun kawng diklo atan pawh Purun Var chhuan so na tui no chanve vel nitin vawi thum pek a ṭha bawk.

Taksa hnawih atan : Purun Varah hian Nachhâwkna a awm ve avangin Purun Var râwt sawm hi ruh chuktuah nâ ah leh Sciatica-ah te an bel ṭhin a.

Tin, nakruh nâ ṭhêm ṭhûmah pawh belin nâ a chhâwk ṭhin bawk.

Tin, Purun zung Coconut Oil-a chhum a, chu Oil chu far hnih far thum benga far luh hian Beng nâ te a chhâwk bawk a ni.

Zun theih loh te hian dulah Purun Var densawm hi belin zun ati awl ve ṭhin bawk.

Heng kan sawi bakah hian ruah tui tlak laia natna chi hrang hrang lo awm ṭhin te tân Purun Var hi a ṭhat bâkah Purun Sen nen ei pawlh hian Thisen Sang leh Lung lam ṭhat lohna te pawh a vêng tel a ni.

PURUN SEN : Purun Sen pawh hi damdawi ṭha tak a lo ni reng mai a. A hela ei hi a ṭha ber a.

Tin, Khawizu pawlh dal loh nena chawhpawlh hian rannung sehna hnuhmaa bel te, vung te, khawihli te leh Ruh na/Ruhseh damdawi atan a ṭha bawk.

Purun sen hian a chunga sawi bakah hmeichhe thi nei tan thi a tichhuak ṭhain thisen a tithianghlim bawk a.

Tin, zun a tih tam avangin kal (Kidney) a pui nasa em em bawk a ni.

Purun Sen han tih hian henga kan hmuh zen zen loh Purun Sen Var chi hi damdawi atan chuan a ṭha leh zual.