HMANGCHANG - I

Mamawh kan lo awm takin

1. HA TIHVARNA:

Balhla pil var a chhung lam a ha nawh hi ha var nan a tha hle.

2.  Thosi seh  thakah hian, a sehna laiah khan sahbawn nuai phuan ila a reh nghal thei.

3. Pile (Mawngkaw hmawr) natna nei tan kopur (camphor) densawm tui nena chawhpawlhah hian țhu ila, țha tak a ni.

4. Bengkherh :

DERHKEN hnah tui sawr rawh. A tluka bengkherh damdawi țha a awm chuang lo.

5. Tonsil na thin tan kaikuang kan ro hi damdawi tha tak a ni. Hlingsi rah a țha viau bawk.

6. Khuai zuk (seh)-ah hian Dawl hnai hnawih a tha khawp mai.. A zuk hlimah Dawl kung kha ulh bun hmawk a, hnawih mai tur.

7. SINGSIHLIP REHNA:

DUMDE! Ka ke phah vei lam chungah hian a khat deuh vek tawh a, vawi tam tak ka zai a, thi ngei nguaiin. Lelte Lotion lah bur 1 chu ka hmang zo țhak...Awmzia a awm thei lo a.. a pung zel bawk si. ȚUM KHAT CHU LE...kan hmelhriat leh kawm ngeih tak Kuki Nu pakhat hian, "Dumde mawng êng lai hi sik thla la, tât rawh," a ti a. Ka ti ta a, thla khat chhungin a reh fai mam han vek a, ka va lawm tak em. Singsihlip hi i taksaa a awm chuan a tihreh dan awlsam ber chu chinai leh Surf tlem tihpolhin hnoih ila, a reh hmak thei bawk(proved).

8. Zak kha nei te tan inbual zawh veleh soda hi zakah hnawih ila a ngeih hle

9. Kut pem ah hian Khawizu hnawih a tha. Khawizu hi bacteria thattu tha tak a ni a, intihpem palh a bacteria pung tur ang hi chu a that vek deuh thaw thei an tih chu!

10. Ha Nget nâah hian khawizu (pure) tat zeuh rawh, pain relief tha tak a ni a, dam hlenna erawh a ni lem lo.

11. VAIMIM hi Tûr (poison) engpawh ei palh tan damdawi a ni. "Tûra hrai Sazu pawh hian vaimim a ei chuan a thi lo," an tih chu...

12. Khawihli-ah hian purunsen chhûng lama a hamda var hi bel ila a hnai hma bik an ti.

13. HA NA TAN:

a) Theihai hnah lawh thar kuangin han hawlh chhin teh, i hawlh hma hma khan a nâ kha a dam maithei ni!

b) Ha na hi tawrh hrehawm tak a ni. Ha na țhin tan chuan, "Sakuh ril emaw a pumpui rêp ro hi meizial anga zial a, meizuk anga zuk hian a dam hmak e," an tih chu. A tichhin tawh mi 2 hnen ațanga ka hriat a ni. A khu kha hmuam deuh vang² tur a ni awm e.!

14. SAM tlakawlh tan hian Sunhlu tui, a tlak kawlhna lu lei (scalp) a hnawih hian a țo leh thei an ti. Ka la tih ve chhin loh avangin ka hrelo, sam tlakawlh in awm chuan lo ti ve chhin teh u.

15. RUL CHUK DAMDAWI

Rulchuk damdawi atan, chang-el tui emaw, balhla kung tui emaw, khamkhawk saisu tui emaw intir tur a ni. A kung fik hmawk a, a tui dawh mai tur a ni a. Rul-in a chukna hmuamhmaah pawh hnawih bok tur.

Saiekhlo: A hnah hi thakah te, pân dam țha thei loah te hnawihin a ngeih hle. A hnah vek hi santen,pumna, ulcer, kawțhalo tan damdawi țha tak a ni. Cancer vei dampui tawh pawh an awm. Amah hi thil vang tak mai leh hmuh tur awm zen2 lo a ni a; mahse, awm duhna ram bik a nei a - Phulmawi, Baktawng leh Darlawngah a awm (ka hriattheih chinah).

16. VANGVAT zuknaah hian nawhalh bawk hi han nawt alh la,chhem hlum leh vat la,a bawklai alh zolo ung thet hi hnawih ila,a thak a reh a, a dam awlsam hle bawk.

17. THINLIAN tan hian theiherhawt ei a tha. Mahse, thisen a zir te pwh ani ve thei. 

Mi ngeih zawng apiang kha i ngeih ve vek kherlo mai thei. Fimkhur a tha.